ماہیگیروں پر حملہ تشویشناک ہے، ساحل کی حفاظت پر مامور ادارے ناکارہ اور کرپٹ ہیں، حق دو تحریک

گوادر   گوادر میں موجود ساحل کی حفاظت کرنے والے ادارے یا تو ناکارہ ہیں یا تو انتہائی کرپٹ ہیں ورنہ ان کے ناک کے نیچے اتنی تعداد میں ٹرالرز موجود اور ماہیگیروں پر حملہ آور نہ ہوتے، عوام کے پاس اب احتجاج کے علاوہ کوئی چارہ نہیں رہ گیا۔

حق دو تحریک بلوچستان کے مرکزی آفس سے جاری بیان میں ٹرالرز کی جانب سے ماہیگیروں پر حملے اور فائرنگ کی شدید مذمت کرتے ہوئے کہا گیا کہ لگتا ہے ساحل کی حفاظت کرنے والے ادارے یا تو ناکارہ ہوگئے یا انتہائی کرپشن کا شکار ہیں جو اتنے قریب بڑی تعداد میں ٹرالرز کو نہ دیکھ پاتے ہیں نہ پکڑ پاتے ہیں

اگر یہ سلسلہ جاری رہا تو یہ ادارے باقاعدہ ان لٹیروں کے سامنے سرنڈر کریں تاکہ عوام اپنے سمندر کی حفاظت خود کریں۔بیان میں کہا گیا کہ اداروں نے عوام کے پاس احتجاج کے سوا کوئی راستہ نہیں چھوڑا اس لئے عوام کے ساتھ مل کر سمندر کی بقاء کے لئے ہر حد تک جائیں گے۔