سردار اعجاز احمد خان جعفر نے اج یہاں سبزل روڈ پر قائم واٹر ٹریٹمنٹ پلانٹ اور بروی روڈ پر واقع بوسٹر پمپ کا معائنہ کیا

نگران صوبائی وزیر پی ایچ ای و بہبود ابادی سردار اعجاز احمد خان جعفر نے اج یہاں سبزل روڈ پر قائم واٹر ٹریٹمنٹ پلانٹ اور بروی روڈ پر واقع بوسٹر پمپ کا معائنہ کیا اس موقع پر مینیجنگ ڈائریکٹر حامد لطیف رانا ، ایکسین عبدالقادر، ایکسین ظہیر ستار، ایس ڈی او فرید احمد بھی موجود تھے صوبائی وزیر سردار اعجاز احمد خان جعفر نے بات چیت کرتے ہوئے کہا کہ اس وقت کوئٹہ کے شہریوں کو صاف پینے کے پانی کی فراہمی کا مسئلہ ایک سنگین صورتحال اختیار کر گیا ہے جس سے نمٹنے کے لیے جنگی بنیادوں پر اقدامات کرنے کی ضرورت ہے انہوں نے ایم ڈی واسا کو ہدایت کرتے ہوئے کہا کہ وہ کوئٹہ شہر کا ایک نقشہ بنا کر پیش کریں جس میں واضح طور پر جن جن علاقوں کو پانی کی فراہمی کی جا رہی ہے اور جن علاقوں کو پانی نہیں فراہم ہو رہا ہے

انہوں نے کہا کہ نئے تعمیر ہونے والے ٹیوب ویلز پر کام کی رفتار کو مزید تیز کیا جائے ڈیڑھ ماہ کے اندر اندر ان پراجیکٹس کو مکمل کیا جائے تاکہ کوئٹہ کے شہریوں کو صاف پانی کی فراہمی کے حصول میں جن مشکلات کا سامنا ہے وہ جلد دور کی جا سکیں انہوں نے واٹر ٹریٹمنٹ پلانٹ کی گزشتہ کئی سالوں سے بندش پر افسوس کا اظہار کرتے ہوئے کہا کہ اتنا اہم منصوبہ التوا کا شکار کیوں رہا انہوں نے کہا کہ تاہم یہ امر باعث اطمینان ہے کہ اتنا عرصہ بندش کے بعد اب اس پلانٹ سے یومیہ 18 لاکھ گیلن گندے پانی کو صاف کر کے سبزل روڈ سمنگلی روڈ اور نوہسار تک زمینوں کو یہ پانی کاشتکاری کے لیے فراہم کیا جا رہا ہے انہوں نے کہا کہ کوششیں کی جائے کہ 18 لاکھ گیلن سے بھی زیادہ مقدار بڑھایا جائے اور سروس اسٹیشنز کو بھی یہی پانی فراہم کیا جا سکیں تاکہ جو صاف پینے کا پانی جس مقصد کے استعمال ہوتا ہے اس کی بچت ہو سکے انہوں نے کہا کہ اس وقت عوام کو صاف پانی کی اہمیت کے حوالے سے بے حد شعور اجاگر کرنے کی ضرورت ہے

انہوں نے کہا کہ میرے علم میں یہ بات ائی ہے کہ محکمہ کے چند افسران ٹینکر مافیا کے ساتھ مل کر پانی فروخت کر رہے ہیں جو کہ ایک ناقابل معاف جرم ہے انہیں تنبیہ کی جاتی ہے کہ وہ اپنا قبلہ درست کر لیں ان کے ساتھ کسی بھی قسم کی نرمی نہیں برتی جائے گی انہوں نے کہا کہ ہر سال کوئٹہ میں ریکارڈ بارشیں ہوتی ہیں لیکن بہتر حکمت عملی نہ ہونے کی وجہ سے یہ پانی ضائع ہو جاتا ہے اس کے لیے بھی ایک بہتر میکنزم بنائیں تاکہ اس سے زیر زمین پانی کی سطح بلند ہو سکے انہوں نے کہا کہ وہ جلد ہی چیف ایگزیکٹو کیسکو سے بھی ملاقات کر کے بجلی کے حوالے سے جو حائل رکاوٹیں ہیں انہیں دور کرنے کی کوشش کی جائے گی قبل ازیں واٹر ٹریٹمنٹ پلانٹ کے حوالے سے بریفنگ دیتے ہوئے ایم ڈی واسا حامد لطیب رانا نے کہا کہ اس پلانٹ کے ذریعے تقریبا یومیہ 18 لاکھ گیلن پانی ریسائیکل کر کے اسے ابپاشی سروس اسٹیشنز اور دیگر چیزوں میں قابل استعمال بنایا جا رہا ہے علاوہ ازیں انہوں نے پینے کے صاف پانی کی فراہمی کے حوالے سے کہا کہ اس وقت کوئٹہ شہر میں تقریبا پانچ کروڑ گیلن 26 لاکھ افراد کی یومیہ ضرورت ہے لیکن ہم ساڑھے تین کروڑ گیلن پانی فراہم کر رہے ہیں

پانی کی کمی کو پورا کرنے کے لیے 19 ٹیوب ویلز مغربی بائی پاس اختر اباد کے قریب ہارڈ راک میں لگا رہے ہیں جبکہ پانچ ٹیوب ویل مری اباد اور پشتون اباد کی طرف لگائے جا رہے ہیں جو ڈیڑھ ماہ کے اندر اندر مکمل ہو جائیں گے جس کی تکمیل کے بعد 40 سے 50 لاکھ گیلن مزید پانی شہر کو فراہم کیا جا سکے گا انہوں نے بتایا کہ اس کے علاوہ بھی مستقبل میں مغربی اور مشرقی بائی پاس کی طرف تقریبا مزید 39 ٹیوب ویلز لگانے کا پروگرام ہے جس سے 60 لاکھ گیلن مزید پانی کوئٹہ شہر کو فراہم ہو سکے گا انہوں نے بروی روڈ پر واقع بوسٹر پمپ کے حوالے سے بتاتے ہوئے کہا کہ کرخذہ اور دیگر علاقوں سے 2 لاکھ گیلن پانی جمع ہو کر اس سے اگے شہر میں بوسٹ کر کے فراہم کیا جاتا ہے