ضلعی انتظامیہ اشیا خورونوش کی قیمتوں میں استحکام لاکرمہنگائی کی روک تھام کرے، علی مردان ڈومکی

کوئٹہ   نگراں وزیراعلیٰ بلوچستان میر علی مردان ڈومکی نے کہا ہے کہ صوبا ئی حکومت مہنگائی کی روک تھام کر کے عوام کو بھرپور ریلیف دینا چاہتی ہے،متعلقہ محکموں اداروں اور ضلعی انتظامیہ کو قیمتوں میں استحکام لانے کے لئے بھرپور کردار ادا کرنا ہو گا۔

محکمہ خوراک ضلعی انتظامیہ کے اشتراک سے گندم اور چینی کی سمگلنگ کے تدارک اور ذخیر ہ اندوزی کے خلا ف کارروائی کے ساتھ مارکیٹ کے تقاضے کے مطابق آٹا اور دیگر اشیاءخورونوش کی ڈیمانڈ اور سپلائی میں توازن پیدا کرے ۔ ان خیالات کا اظہار انہوں نے گزشتہ روز محکمہ خوراک کے امور سے متعلق منعقدہ اجلاس کی صدارت کر تے ہو ئے کیا ۔اجلاس میںچیف سیکرٹری بلوچستان شکیل قادر خان سمیت متعلقہ حکام نے بھی شرکت کی۔ اجلاس کے دوران سیکرٹری محکمہ خوراک مجیب الرحمان نے شرکا ءکو محکمانہ امور،صوبے میں گندم اور آٹے کی صورتحال سمیت دیگر امور پر بریفنگ دی ۔

اجلاس کے شرکا ءسے خطاب کر تے ہو ئے نگران وزیراعلیٰ بلو چستان میر علی مردان ڈومکی نے ہدایت کی کہ محکمہ خوراک مارکیٹ میں گندم اور آٹے کی دستیابی کو یقینی بناتے ہو ئے آٹے کی قیمتوں میں استحکام پیدا کر نے کے لئے فو ری اقدامات کرے انہوں نے محکمہ خوراک ڈویژن اور ضلع کی سطح پر آٹے کے ساتھ ساتھ دیگر اشیاءو خورد ونوش کی قیمتوں کو بھی کنٹرول کرنے کی ہدایت کی اور کہا کہ رولز آف بزنس میں وقت کی ضرورت کے مطابق ضروری تبدیلیاں لا کر محکمہ خوراک کے مینڈیٹ کو بڑھاتے ہو ئے مارکیٹ کے تقاضے کے مطابق آٹا اور دیگر اشیاءخوردونوش کی ڈیمانڈ اور سپلائی میں توازن پیدا کیا جائے۔

انہوں نے ہدایت کی کہ وزیراعلیٰ معائینہ ٹیم سرکاری سطح پر خریدی کئی گئی گندم کا معیار چیک کرے اورمحکمہ خوراک ضلعی انتظامیہ کے اشتراک سے گندم اور چینی کی سمگلنگ کے تدارک اور زخیر ہ اندوزی کا خلا ف کارروائی کرے۔انہوں نے محکمہ خوراک مارکیٹ کی صورتحال کی بھی نگرانی کرکے گندم کے ملوں کو اجراءکی سٹریٹیجی بنا نے کی بھی ہدایت کی ۔