کوئٹہ(حال نیوز)کوئٹہ میں ڈبل روڈ پر انتظامیہ کی جانب سے دکانوں کو سیل کرنے کے بعد تاجر برادری نے ڈبل روڈ پر احتجاج کر کے روڈ کو ہر قسم کے ٹریفک کے لئے بند کر دیا جس کے باعث شہر میں بد ترین ٹریفک جام ہوگئی تاجر برادری نے ڈبل روڈ پر احتجاجی کیمپ قائم کر دیا ۔
کوئٹہ میں گزشتہ رات انتظامیہ نے تجاوزات کی خاتمے کے خلاف ڈبل روڈ پر واقع سینکڑوں کی تعداد میں دکانوں کو سیل کردیا جس کے بعد صبح تاجر برادری نے ضلعی انتظامیہ کے ناروا رویہ کے خلاف احتجاج کرتے ہوئے ڈبل روڈ کو ہر قسم کے ٹریفک کیلئے بند کر دیا گیا جس کے باعث شہریوں کو شدید مشکلات کا سامنا کرنا پڑا ۔
شہر کے تمام شاہراہوں پر ٹریفک جام ہوگئی تاجر برادری نے اپنے مطالبات کی حل کیلئے ڈبل روڈ پر احتجاجی کیمپ قائم کر دیا تاجر رہنماﺅں کا کہنا ہے کہ جب تک ہمار ے مطالبا ت تسلیم نہیں کئے جاتے اس وقت تک ہمارا احتجاج جاری رہے گا انتظامیہ اور تاجر برادری کے درمیان مذاکرات کا سلسلہ جاری ہے تاہم تاجر برادری مذاکرات کرنے کیلئے تیار نہیں ہیں ۔
