کوئٹہ (حال نیوز) کوئٹہ میں ایڈیشنل اینڈ سیشن جج کی عدالت نے الیکشن اخراجات کی تفصیل جمع نہ کروانے والے 23امیدواروں کو نوٹسز جاری کردئیے۔
حکام کے مطابق ایڈیشنل اینڈسیشن جج کی عدالت کی جانب سے نوٹسز 23امیدواروں کو جاری کئے گئے ہیں جن میں انہیں ہدایت کی گئی ہے کہ 25 جولائی 2018 کے الیکشن میں ان کی جانب سے جو اخراجات کئے گئے تھے ان اخراجات کے متعلق پیش ہو کر تفصیل جمع کروائی جائے۔
بصورت دیگر ان کے خلاف کارروائی عمل میں لائی جائے گی۔حکام کے مطابق اب تک 3 امیدواروں شازیہ ، حمیدہ ہزارہ اور برکت علی کی جانب سے انتخابی مہم کے اخراجات کی تفصیل جمع کروائی گئی ہے۔
