اسلام آباد(حال نیوز) قومی اسمبلی میں قائد حزب اختلاف شہباز شریف کا کہنا ہے کہ یہ بجٹ عوام دشمن ہے ہم پورا زور لگائیں گے کہ یہ بجٹ منظور نہ ہو۔
پاکستان مسلم لیگ (ن) کی پارلیمانی پارٹی کا اجلاس پارٹی صدر اور قومی اسمبلی میں اپوزیشن لیڈر شہباز شریف کی زیر صدارت ہواجس میں پارٹی قائد نواز شریف کی صحت یابی کے لئے دعا بھی کی گئی۔
اس موقع پر گفتگو کرتے ہوئے شہباز شریف نے کہا کہ نواز شریف سے میری ملاقات ہوئی وہ بہت ہائی سپرٹ میں تھے اور ملکی حالات پر پریشان ہیں۔
شہباز شریف کا بجٹ کے حوالے سےکہنا تھا کہ یہ بجٹ عوام دشمن ہے اس لیے ہم پورا زور لگائیں گے کہ یہ عوام دشمن بجٹ منظور نہ ہو،دوسری جانب حکومت جان بوجھ کر بجٹ پر بحث نہیں ہونے دے رہی اور یہ پارلیمانی تاریخ میں پہلی مرتبہ ہوا ہے کہ حکومت خود بجٹ پر بحث شروع نہیں ہونے دے رہی۔انہوں نے کہا کہ میرے بارے میں طرح طرح کی افواہیں پھیلانے کی کوشش کی جاتی رہی ہیں۔
