کوئٹہ (حال نیوز)بلوچستان حکومت این ایف سی ایوارڈ میں ترمیم کی خواہشمندآئندہ ماہ لاہور میں ہونے والے این ایف سی ایوارڈ کے اجلاس میں بلوچستان حکومت شیئر کو بڑھانے کےلئے اپنا موقف پیش کرینگے کثیرالاشاریے کا فارمولا این ایف سی ایوارڈز میں بلوچستان کے شیئر کو مزید بڑھا دے گا ذرائع کے مطابق بلوچستان حکومت نے فیصلہ کیا ہے کہ وہ قومی مالیاتی کمیشن (این ایف سی)ایوارڈ میں اپنا حصہ بڑھانے کے لیے پر زور کوشش کرے گی آئندہ ماہ وفاق، صوبوں اور فیڈریشن یونٹس کے درمیان وسائل کی تقسیم کے لیے نویں این ایف سی ایوارڈ کے لیے بات چیت کا دوسرا دور آئندہ ہفتے لاہور میں منعقد کیا جارہا ہے
بلوچستان حکومت کے 2 سے زائد حکام نے تصدیق کی کہ صوبائی حکومت وسائل کی تقسیم کے فارمولے میں ترمیم کے لیے کوششیں کرے گی اس کے ساتھ ساتھ صوبائی حکومت این ایف سی ایوارڈ میں تقسیم کے فارمولے میں Inverse Cultivated Landکے اشاریے کو بھی شامل کرنے کی کوشش کرے گی علاوہ ازیں کوئٹہ اپنے شیئر کو 42.50 فیصد سے بڑھا کر 57.50 فیصد تک کرنے کے لیے بھی سرتوڑ کوششیں کرے گاادھر این ایف سی ایوارڈ میں براہ راست شامل بلوچستان حکومت کے حکام نے بتایا کہ وہ لاہور میں منعقدہ این ایف سی ایوارڈ پر بات چیت کے لیے صوبے کے شیئر کو بڑھانے کے لیے کوششیں لازمی کریں گے
واضح رہے کہ 2009 میں ساتویں این ایف سی ایوارڈز پر دستخط کیے گئے تھے جو 2015 میں اپنی مدت پوری کرنے کے بعد بھی صدار تی حکم نامے کے تحت اب بھی جاری ہے جس میں بلوچستان کے شیئر کو 5.13 فیصد سے بڑھا کر 9.09فیصد کر دیا گیا تھااین ایف سی ایوارڈز 2009میں صوبوں کو یقین دہانی کروائی گئی تھی کہ ٹیکس آمدن میں کمی آنے کی صورت میں وفاق اپنے شیئر میں سے صوبوں کے شیئر کو پورا کرے گاگزشتہ این ایف سی ایوارڈز میں تبدیلی کرتے ہوئے وسائل کی تقسیم کو آبادی کے تناسب پر مبنی فارمولے سے ختم کرکے کثیرالاشاریے کے فارمولے کے تحت تقسیم کیا گیا تھاخیال رہے کہ کثیرالاشاریے کا فارمولا این ایف سی ایوارڈز میں بلوچستان کے شیئر کو مزید بڑھا دے گا۔
