کوئٹہ (حال نیوز)وادی کوئٹہ سمیت بلوچستان کے مختلف علاقوں میں موسلا دھار بارش موسم سرد ہوگیا تفصیلات کے مطابق وادی کوئٹہ سمیت بلوچستان کے مختلف علاقوں پشین ‘ ژوب ‘ قلعہ سیف اللہ ‘ زیارت ‘ قلات اور مستونگ میں موسلا دھار بارش ہوئی جس سے نشیبی علاقے زیر آب آگئے۔
وادی کوئٹہ میں بارش کے بعد بجلی کی فراہمی معطل ہوگئی بارش کے بعد سردی کی شدت میں اضافہ ہوگیا۔
کوئٹہ اور قلات کم سے کم درجہ حرارت6ڈگری سینٹی گریڈ پنجگور اور خضدار میں13،نوکنڈی میں14ڈگری سینٹی گریڈ تربت اور پسنی میں17،سبی میں19ڈگری سینٹی گریڈگوادر اور جیونی میں18ڈگری سینٹی گریڈ ریکارڈکیا گیا بلوچستان کے مختلف علاقوں میں آئندہ 24گھنٹوں کے دوران بارش کا امکان ہے ۔
