اسلام آباد( حال نیوز) ملائیشیا کے وزیراعظم ڈاکٹر مہاتیر محمد نے کہا کہ قیام کے وقت ملائشیا ایک غریب ترین ملک تھا تاہم غربت کا خاتمہ صنعتوں کے قیام سے ممکن ہوا،، پاکستان میں پروٹون کار انڈسٹری لگائی جائےگی، ملائیشین وزیراعظم نے کہا کہ ملائیشیاءنے غربت سے نکلنے کیلئے جاپان اور کوریا سے سبق حاصل کیا، سرمایہ کاری کے لیے امن واستحکام بہت ضروری ہے۔ روزگار فراہم کرنے کا بہترین ذریعہ صنعتیں ہیں،ملائیشیا نے تمام ممالک کے ساتھ دوستانہ تعلقات قائم کیے،ہمارے کبھی اسرائیل سےکوئی تعلقات نہیں رہے ، اسرائیل کے علاوہ کسی سے دشمنی نہیں،ہم یہودیوں کےخلاف نہیں لیکن اسرائیل کوتسلیم نہیں کرتے۔وہ آج یہاں وزیراعظم عمران خان کے ہمراہ سرمایہ کاری کانفرنس سے خطاب کررہے تھے۔
ملائیشین وزیراعظم مہاتیر محمد نے کہا کہ سرمایہ کاری کانفرنس کے انعقاد پر شکر گزار ہیں۔اس طرح کی کانفرنسز دوسروں کے خیالات کو سمجھنے کا موقع دیتی ہیں۔انہوں نے کہا کہ آزادی کے وقت ملائیشیاءایک بہت غریب ملک تھا۔ ہم نے کورین اور جاپانی لوگوں سے سبق سیکھا اور پھر ترقی کی منصوبہ بندی کی۔انہوں نے کہا کہ ملائیشیاءمیں غربت کا خاتمہ صنعتوں کے قیام سے ہوا۔ ہمیں دونوں ممالک کی سرمایہ کاری کوبڑھانا ہوگا۔ ملائیشیاءتمام ممالک کے ساتھ بھی صرف تجارت چاہتے ہیں۔ ملائیشیاءمیں بیرونی سرمایہ کاری لیکر آئے۔ سرمایہ کاری کے لئے ےامن واستحکام بہت ضروری ہے۔ روزگار فراہم کرنے کا بہترین ذریعہ صنعتیں ہیں، زراعت کے شعبے سے ہم ایک فیصد،جبکہ ایک فیکٹری پانچ سولوگوں کو روزگار فراہم کررہی ہے۔صنعتیں ہوں گی تولوگوں کو روزگار ملے گا۔ انہوں نے پاکستان میں پروٹون کار انڈسٹری لگانے کا اعلان کردیا ہے۔ انہوں نے وزیراعظم عمران خان کو ملائیشاءکی انڈسٹری کی بنی ہوئی کار بھی گفٹ کی۔
ہم نے غیرملکی سرمایہ کاروں کو اپنے ملک میں سرمایہ کاری کے مواقع فراہم کیے۔تاجروں کے درمیان اشتراک کے مواقع پیدا کرنا بہت ضروری کام ہے۔ انہوں نے کہا کہ کسی بھی ملک کی ترقی کیلئے امن اور استحکام کا کلیدی کردار ہوتا ہے۔امن اور استحکام ہوگا تو سرمایہ کاری بھی آتی ہے۔ انہوں نے کہا کہ سڑکیں ، ریلوے، واٹرسپلائی، بجلی کے نظام کیلئے بھی کوئی منصوبہ بندی ہونی چاہیے۔ امیر لوگوں کو چاہیے ٹیکس ادا کریں تاکہ ان کے پیسے سے ہم انفراسٹرکچر کے شعبے میں بہتری لا سکتے ہیں۔ انہوں نے کہا کہ ہمارے سب ممالک کے ساتھ اچھے تعلقات ہیں۔ لیکن ہمارا اسرائیل سے بڑا کوئی دشمن نہیں ہے۔اسرائیل سے ہم نے کسی قسم کا کوئی تعلق نہیں رکھا۔
اسرائیل کے ساتھ ہم نے کسی قسم کا کوئی تعلق نہیں رکھا ہوا ہے۔ اس موقع پروزیراعظم پاکستان عمران خان نے کہا کہ مہاتیر کو پاکستان میں خوش آمدید کہتے ہیں۔ مہاتیر کا دورہ پاکستان قابل فخر ہے۔ آج قوم دن یوم پاکستان ہے۔ ہر پاکستانی مہاتیر کے قائدانہ کردار کی تعریف کررہا ہے۔انہوں نے کہا کہ لیڈر وہ ہوتا ہے جس کے پاس آئیڈیالوجی ہو، اور مشکل وقت میں کھڑا ہوسکے۔مہاتیر نے ملائیشیاءکو تبدیل کرکے رکھ دیا ہے۔ مسلم ممالک میں ایک ماڈل ملک ہے جس نے اپنے وسائل سے ترقی کی ہے۔
وزیراعظم عمران خان نے کہا کہ مہاتیر یوم پاکستان کی تقریب میں شرکت کریں گے۔ یہ وہ دن ہے جب 1940ءمیں قرارداد پاکستان منظور کی گئی تھی۔اس وقت پاکستان کے عظیم لیڈر قائداعظم نے پاکستان کی بنیاد رکھی۔ انہوں نے کہا کہ پاکستان میں یہ ایسا وقت ہے جب وسیع سرمایہ کاری کے مواقع موجود ہیں۔ اس موقع پردونوں ممالک کے درمیان تجارت بڑھانے کیلئے کمیٹی بنا رہے ہیں۔پاکستان مستقبل کی ایک بہت بڑی مارکیٹ ہے۔ چین اور دوسرے ممالک کے ساتھ منسلک ہے۔انجینئرنگ ایند ٹیکنالوجی کی بنیاد پر سرمایہ کاری ملائیشیاءمیں منتقل ہوئی۔
